La vita l'è ona sfida, fa i tò ris'c e viv.	La vita l'è on belee de conservà.	Vita, te saltet foeura d'ona cuna e te vee a finì in de l'eternità.	L'alba la sveglia i color, el sô el riscalda la terra, el dì el passa in milla frecass ma poeu a la sera ritorna la pas.	L'è minga bon de dà chi el spetta tropp.
Quand se dà, se dev minga mortificà e tanto meno: rinfaccià.	Te rincress de vess diventaa vecc? Ogni età la gh'ha el sò valor, el tò l'è quell de l'esperienza.	La smania che gh'è denter de ti, la voeuia del bell, del spazi, de la lus, l'è la toa anima ansiosa de libertà.	Ona vos la parla in dèl tò coeur e la te dis quell che nissun el gh'ha el coragg de ditt. L'è la vos de la toa coscienza.	L'omm che l'è minga bon de stupiss l'è istess d'on para de occiaa senza minga de oeucc dedree.
L'amor l'è nò on moment che'l scappa, l'è on miracol che'l se rinnoeuva ogni dì.	Proeuvi la giòia quand con semplicità, con trasparenza e lealtà te voeuri ben.	Quell che uniss ona famiglia l'è minga el sangh, ma l'è rispettà con giòia la vita de ognun.	Te see semper liber de cambià idea e de cattà foeura on doman different.	Se te voeuret eliminà ona nivola, dagh minga d'importanza pensegh minga a sora e spetta che la passa.

1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25