in lengua milanesa
info@elmilanes.com
|
|
|
Sit de coltura e attualità in lengua milanesa |
Invia i tuoi messaggi a: info@elmilanes.com |
|
      |
Nòna part, de Milan come l’è nassuu? second el nòno Berto Dòpo la mòrt de l’Ariberto, l’è staa miss su; a cap de la gesa ambrosiana on vescov, vorsuu da l’imperador Enrico III° - Guido da Velate (1045-1071) on grass de ròst de vun, l’era on simoniaco, a chì temp el concobinagg l’èra ona ròba comun tra i pret, e i dònn mingà tròpp seri che vegniven mantegnuu cont i danee de la Gesa. Ai fedei osservant a on certo moment ghe salta la ciribiciaccola. Hann faa sù ona specie de moviment religios osservant ciamaa (LA PATARIA) che in lengua milanesa voer dì - Patee- (gent povera strasciada). Però eren mingà sant, piccaven e coppaven in nòmm de la purèzza. Anca i sciori gh’aveven miss denter el sciampin. I cap eren Ariberto vescov, pret Liprando e on cert Landolfo Cotta ciamaa anca (el scior della ciaccera). Poeu pensa che ripensa se t’inventen sù - el giudizzi del Signor - che l’era de camminà a pee biòtt in del foeugh - el pret Liprando l’era on maghètt a fa sto gioghètt chì -e tra stòria e favola l’è diventà on mito. Come spèss el succed i capi- dopo on poo se metten d’accòrd. E i cosidetti puri l’ han ciappaa .... però prima hinn staa bon a fà elegg a Roma el Papa (Anselmo da Baggio) Alessandro II°. Subit el Papa Allesandro II° l’ha processaa el Guido da Valate, con scomunica a rent. El Guido el ghe stà minga. el comincia a menà giò bòtt de òrbi, minga content el ciappa, el vescov Arialdo l’è tortura l’è fa a tòcch e poeu minga content le sbatt in del lagh Maggior. L’Erlembaldo el raccata sù i tòcch de L’Arialdo e i a pòrta a Milan in procession, el Guido el ciappa su ona sgaggia de la madòcina el fa fagòtt e scappa da Milan, per salvà el pellòtt. Dopo on poo(el dritto) l’ha faa att de sottamission in genoeugg, giust in temp per vedè 1071 la gesa ambrosiana affidada al vescov, Gotofredo da Castiglione e l’Enrico IV° el dà el sò consens. Ma el Papa Allesandro II° minga content, l’ha scomonicaa anca el Gotofredo per dò volt. Nel frattemp i milanes l’ hann casciaa via, perchè, i sò amis; avevan coppaa l’ Erlembardo. El Papa Alessandro II° sù ispirazion de l’ Ildebrando da Soana l’ha faa sant Arialdo e Erlembardo. -Ciappa su e pòrta a cà, mè car vescov Gotofredo.- E inscì la Patteria l’è andada a fass benedì anca lee. LA PRIMA CROCIATA COMUNE (1096-1132) L’arcivescov Ansalmo da Bovisio l’ha mis pas tra i milanes.el ricupera i militi e i valvassor- el diritt de governà Milan la soa cattedra e Roma el règn del Signor. El Papa UrbanoII° el gh’ha daa ona movuda al arcivescov Arnolfo (1093-1097) de mandaa on poo de crociati a liberà la terra santa ( e fà on poo de mercanzia insòmma fa sù on poo de danee). Armatevi e partite! Che nun restom chì a cà a tecc. I milanes crociati - a la crociata- hann ciappaa on duu de picch che se ricòrderan per on poo temp. Quej che hinn resta a cà gh’hann ricamaa sù certi stòri. Nel frattemp i milanes s’hinn organizaa hann faa su el Comun. La prima buttàda a l’è stada de fà i(consulatus civium) civico consolato- 1097 -Faa de 23 consòli-10 grand terrier i capitanei - 7 feudi minori - valvassor - 5 popolo - civis- (se cappiss che comanden i sciori?). Elètt dal popol on cert Lanzone da Corte, anca lù sciorètt. Nel 1099 l’è entraa in fonzion con pieni poteri el Comun. la prima sede l’è stada fada al Brolo (che voeureva dì Verzee) el nòmm a l’è restaa anca dòpo.(minga Verzee, ma Brolètt). (El Brolètt noeuv in piazza di Mercanti l’è staa faa su nel 1228.) Nel frattemp i milanes per via del commercio e per vègh i strad liber, hann cominciaa piccaa i visin, dal Po fina a l’ arch apin, e quei che ghe staven nò bòtt de legnamee. Vedii la fin che l’ha faa Lodi Veggia - Laus Pompeia - nel 1111.Tant, l’imperador Federico I° el gh’aveva el sò bèll de fà in germania per via de i sò parent. Intant Còmm, Cremona, Noara, Piacenza,hann cominciaa a odià i milanes, per via di prepotens chì e i tass che ghe faseven pagà e alter cent robb, che l’è mei tassee.
|
