Sit de coltura e attualità
 in lengua milanesa		 Invia i tuoi messaggi a:
info@elmilanes.com		 *

















Ottava part, de Milan come l’è nassuu?
second el nòno Berto

El dècim sècol el comincià cont on grand rebellòtt: Per via che i re Carolingi taccaven lit tra de lor e inscì man man perdeven autorità. (Se daven bòtt de legnamee). I vescov de la lombardia s’hinn tra insema an fa su ona lega, comandada dal vescuv milanes Anasperto, semm nel 876. E la proclamà el Carlo il Calvo re d’Italia. (Dieta de Pavia). L’ann dopo el re Carlo il Calvo, per ringraziament la fa sta legg, (limitaa domaa ai feudi maggior) l’ereditarietaa senza pù cambiaa nagòtta del benefizzi feudal e el vescov milanes la pensaa de traa del ben per on doman. El Vescov Anselmo (semper de Milan) nel 887 l’ha incoronaa el Beregario del Friuli re d’Italia e sta pensada chi la scatenaa on gibilèri del la madòcina, e per quasi cent ann bòtt come semper in chi temp là l’era de mòda be! Sto nò chi a cinquantalla sù tant). La Lombardia l’era diventada el passatemp per i Ungari (mercenari), che andaven innanz e indree a combinan de còtt e de crud. Pavia la capital de alora la fa ona brutta fin nel 924, menter Milan la scampada bella, forse perchè i sò bastion eren anmò sù e quindi Milan l’era difendibil, e i sò Vescov, e i milanes, eren gent in gamba. I Vescov milanes aveven imparà la musica- on dì de chi on dì de là. - (Finchè la barca và lassela andà l’era la canzonetta de quei temp là) El gh’ha pensa l’imperator Ottone I° de Sassonia a faghela moccà a tucc. L’è vigni giò cont la piena da ì alp el gh’ha da el dò de pich a tucc i concurent e nel 962 el se fa incoronaa imperador. E i Vescov? Hinn diventà pussee inportant in deventaa “Grandi dell’impero” (CIUSCHIAA! Esclamaszion). Ne l’undicesim sècol Pavia, tant per cambia, nel 1004 la fa la rivoluzion, cont tutt el rebelott che ghè vegnuu adre. El Vescov de Milan on certo, Ariberto d’Intimiano el se da de fa subitt. Ma chi l’era sto Vescov chi? On inteligent, on furbinin, anbisios, pien de iniziativ insomma el voeureva mett la gesa ambrosiana al prim pòst. Ma Milan l’era poeu come chi temp là, del Carlo Magno. La solfa l’era cambiada.
La se fa avanti ona noeuva razza i BURGENSES. Eren bancher, giudic, grand artigian, gent cont i danee e teren, mercant , funzionari, gent che la ghe saveva faa, gent important che la gh’haveva i mezzi de trattà alla pari cont i feudatari (come foss ròbba de nagòtta). E l’Ariberto cont l’appògg de i feudatari maggior e l’alta borghesia l’era diventaa on ducetto. Partigian del Imperadur (che ghe arivava l’autorià e poter). ARIBERTO d’ANTINIANO arcivescov de Milan (1018 - 1045). Alla mòrt de l’arcivescov Arnolfo, i grand feudatari della gesa ambrosiana troaven natural la succèzion de l’arcivescov Ariberto, che ‘l èra de famiglia nobil longobarda e per de pù diacon cardinalizzi elett, da i maggiorent milanes e dell’ imperatore in persona. El se da subit de fa come rinnova la gesa ambrosiana e fa ricònoss el prìmaa e la dignità all’arcivescov milanes su ai alter Vescov settentrionali (foeura quel de Aquilea).
La fa su el monaster e l’ospedal di Sant Dionigi ed alter opere...
Nel 1024 l’imperador Ottone II°, l’è staa incoronaa dal Ariberto, in S. Ambroeus re d’Italia, l’è minga finida lì duu ann dopo a l’èra a Roma al fianch del papa Giovanni xix a incorunaa l’Ottone II° imperatore del Sacro Romano Impero. E per de puu l’accompagnaa l’Ottone II° in la guerra del 1032 contra l’Oddone di Champagne per via de la succesion della Borgogna, cont le milizie milanes e lombard. Nel 1035 tant per cambiaa a Milan s’cioppà la rivoluzion dei valvassòri contra de lù e dei capitanei (varde quai riga in sù). I valvassori cont l’aiutt de i Lodigiani in andaa a fa i piangina dall’Imperador el Ariberto el se mis in del mezz per fa de mediator, ma el conflitt l’è staa inevitabil e l’è sta mis sotta accusa e l’è finì a Piacenza in gattabuia. Ma i milanes hann organizà ona fuga. L’Ariberto el se da de fa per da a l’Oddone di Champagne il regno d’Italia, ma l’è finida mal. Con ona fiffa della madòcina l’Ariberto el se mis adree a fortica la cinta muraria e l’ha fa su ona noeuva milizia fada di milanes de tutti i cèti. Come pont de referiment la fa sù EL CARROCIO (on simbol religiòs destinà a i battaj in camp avert per dà coràgg ai combattènt e on punt de riferimant. L’era fa da on carr grand on altar, on aston con sù la cima ona campana (MARTINELLA) che la sonava durant tutta la battaja e sottà el sibul de la città (bianch cont ona cross rossa). Gh’è passà mìnga tant temp ch’el Corrado il Salico el voeureva cont i armi a fa valè i proppi reson de padron e la mettuu l’assedi a Milan. Ona battaja feròce bott de legname ma i milanes mòllen minga el mazz e se arenden nò l’era el 1037. El Corrado il Salico el mòlla l’assedi el va via, ma prima la fa l’ultima cattiveria, l’a fa ona legg (COSTITUTIO DE FEUDIS) che el portava ai nobili minor l’eredità dei feudi, per fa taccaaa litt tra i milanes. Dòpo on poo bott tra i cèti popolar e i nobil.
El Corrado minga content la pretenduu dal Pappi Benedetto IX° la scomunica de l’Ariberto. E intant el preparava on noeuv assedi. L’Ariberto el se fa orgòglios el ciamà tucc i milanes a la difesa della città, per fortùna nel 1939 el Corrado l’è andà al Babbi. L’Ariberto la fa la pas cont el Pappi Benedetto IX° e restand a capo della gesa Ambrosiana. La pas l’è durada minga tant nel 1042 i Cives cont a capo Valdone ò Lanzone da Corte, notar e giudic vescùvil del cèto de i capitanei, se ribelen ai nobili e i valvassori fan sluggia i capitanei da Milan cont tutt i soo famìli e l’Ariberto el gheva adree per via ch’el ghe dava reson ai nobil puttòst de mètt la pas tra de lor.
Alter assedio tant per cambia. Sta litt chì l’è durada domà duu ann el Lanzone la fa la pas (el gh’aveva paùra che L’Imperador l’Enrico III° el ciappas Milan sòttà de lù) e i nobili e el Vescov Ariberto hinn tornaa a Milan. I capitanei ghe l’hann minga perdonada al Lanzone e l’hann sarasuu ne la torr dei Morigi umiliandol cont on fa schifoss, second quai vùnn, ma in verità l’hann mandà in esilii. L’Ariberto el moriva nel 1045 rimpiant da tucc i milanes infond ghe voreven ben.

E                              Storia de Milan                          F