Sit de coltura e attualità
 in lengua milanesa		 Invia i tuoi messaggi a:
info@elmilanes.com		 *










Settima part, de Milan come l’è nassuu?
second el nòno Berto

I LONGOBARDI ‘568 - ‘774.
Cont la mòrt de l’imperador Giustiniano nel ‘565 l’impero Bisantino el comincia a perd i colp, l’ered di Giustiniano el Giustino II°.
Ai confin, varda on poo chi gh’è? Ona tribù fada de Tognitt Slavi. Mes’ciaa sù che vegnen da la Pannonia comandaa da on longobard Albuino. (on cancher de voeun) la stermina i Gepidi e coppaa el rè e cont el coo el fà ona coppa e el brinda menter el sposava la tosa del rè ona certa Rosamunda che poeu la fada regina. L’era el ‘568 che vegnu giò dal Friuli e conquistà tutta la vall Padana che gh’hann daa el nòmm de Longobardia. (Sto nòmm chi el deriva da - long bard - longa barba - alter da - longa lancia - insci disen). A Milan l’Alboin entra el 5 settember del ‘569. I autorità cont a capp el vescov Onorato e i nòbil senator e i sciori hann ciappaa ona sgaggia e via de corsa a Genova on esili duraa settant’ann. E Milan l’è restaa in balia de sti Longobari che hann miss sù on ducaa al Cordusio (Curia ducis) menter el rè Alboino l’è andaa a Pavia a stà de cà ‘572 la fada soa capital. Sti Longobard eren nò gent de città preferiven la campagna i praa per i vacch i cavai e alter animal. La gerarchia Longobarda l’era composta: dal rè da i duchi e da i sculdasci e i gastaldi. I milanes hann cominciaa a parlà on poo de longobard per di domus hann cominciaa di cà, la panca banch e alter cent paròll mes’ciaa sù cont el latin l’è vegnuu foeura ona lengua milanesa ai primm armi, ma la città in tant la ‘ndava a fass benedì i cà borlaven giò insèma ai monument i ges i basilich. insòmma come el dis on bon meneghin andaven a dà via el cuu. El Papa de Roma l’ha faa ona bèlla pensada la ciappa di missionari da l’Irlanda da l’ Inghilterra i ‘Orientali ròtt a tutt i fadigh e i piccà giò in lombardia a convertì sti longobard dai in coeu dai doman e con l’arriv de Teodolinda (bavarese e cattolica) che la sposa el Rè Autari, e a la mòrt de l’Autari ‘590 el sò ered Agilulfo finalment rè el diventa cristian el papa l’era el S. Gregorio Magno (‘590 - ‘604). però minga tutti i rè longobardi eren cattolich gh’eren anca de fed ariana. Quand gh’eren i rè cattolici staven a Milan, quand a gh’eren gli ariani a Pavia. Sotta el Rè Rotari l’ha faa tornà a Milan el vescov Giovanni Bono insèma a tutta la nobiltà insèma ai sciori. El Rè Rotari l’è famos anca per i sò lègg. Ma i milanes hann provaa ona sgaggia, vers el primm decenni del ‘700 per ona baccajada rèligiosa tra el cattolich Pertarito e l’arian Grimoaldo.
Finalment cont el Rè Liutprando ed el vescov Teodoro II° (‘735-’746 ) gh’è stà on poo de pas finalment e Milan l’è diventada anmò ona sciora bèlla città.
Per la durada di longobard a Milan la gh’avuu 36 Duchi sin al ‘774 .
S’ciao a la pròssima

E                              Storia de Milan                          F