Sit de coltura e attualità
 in lengua milanesa		 Invia i tuoi messaggi a:
info@elmilanes.com		 *










Quinta part, de Milan come l’è nassuu?
second el nòno Berto

Milan l’è restada capital de l’imper d’ occident dal 286 fina al 402 d.C.
In sto secol Milan l’è pussee granda hann faa sù tanti palazz grand e meraviglios parchi strad, teater aren viai portigh e alter cent meravili..
Però Milan la restava semper ona città de avampòst, quindi l’imperador Massimiano la fà su i mur de la cinta pussee grand e fort Milan a l’era diventada trii volt pussee granda.
Nel 305, dopo on ventenni favolos e tranquill, l’imperador de orient Diocleziano che ghe l’aveva su cont i cristian tant per cambià; Persecuzion el Massimiano sò compar anca a Milan gh’hinn staa dei martir.Poo quand el Diocleziano a l’è andaa foeura di marron anca el Massimiano la dovuu lassà el potere.
Invece del pacific trapass di poter; come l’aveva lassaa scritt el Diocleziano.
Bòtt de la madòcina! CostanzoI° in occident, Galerio in orient- l’è s’cioppaa on quarantòtt, e Milan l’ha traa in mèzz nel gir de sètt ann ben quatter Imperador.
Per ultim Massenzio contra Costantino(on bel mecc). Poo el Costantino redus di vittòri in la vall del Po’ e quèlla de Roma (al pont Milvio 28 ottober 312).
A Milan Costantino ormai unich imperador d’occident l’ha faa el sò ingrèss a Milan cont el sò socio Licinio, ch’el sposa la sorèlla del Costantino la Costanza.
Costantino e Lucinio eren nò cristian ma per l’aiutt che gh’hann daa i cristian.
In la guèrra contra Massenzio. Gh’hann daa liber culto a la fed cristiana.
Sta iniziativa l’è stada fada da el Costantino, el Licinio el gh’è andaa adree.
Inscì l’è nassuda l’era romana - cristiana che l’è passada a la storia come Editt de Costantino o de Milan 313.
El numer di cristian l’è cressuu, grazie anca al vescov grècch Mirocle (primm vescov storicament attestaa) L’ha ciappaa part anca al Sinodo Romano faa per combatt i Donatisti dopo de lù in vegnuu l’Eustorgi, Protas e Dionigi che s’hinn daa de fà anca lor.
I milanes cristiann hann faa su i primm basilich (S.Lorenz - S Tecla - la Porziana ecc. ecc.).
Come semper i ultim arrivaa (i Cristiani) rompeven i ball ai credent de la religion de Roma. I cristian de che i temp la eren on poo de resiètta se rompeven i ball anca tra de lor (Arian e alter) che eren protètt da l’Imperadur Costanzo II°.
Poeu cont el Graziano e Teodosio se dev l’editt di Tessalonica del 380.
chì temp li Milan l’era ricca, bèlla cont on commercio ch’el tirava de matt.
Milan l’è restada capital anca dòpo la mòrt de Teodosio 395.
Ma el sò ered Onorio (on sbarbaa de dersètt ann) su el consili del general Vandalo Stilicone sò consilier e tutor la trasferii la capital a Ravenna 402.
 S’ciao a la pròssima

E                              Storia de Milan                          F