Sit de coltura e attualità
 in lengua milanesa		 Invia i tuoi messaggi a:
info@elmilanes.com		 *









Quarta part, de Milan come l’è nassuu?
second el nòno Berto

Cont l’Ottaviano Imperadur, Milan el cres d’importanza.
I milanes d’allora sbatteven via nagòtta, on bell dì : Ottavino el passava per el foro (in doe adess ghe la bibblioteca Ambrosiana) el ved la statua del Brutto (el famos fioeu che la cuppaa el sò pader el Cesere) e sò nemis. in primm moment el sincazza (ai milanes gh’è vegnuu ona sgaggia della madòcina) ma poeu el se calma anzi el gh’ha fa di compliment a i milanes per la fedelta mostrada al lor benefattor.
El Vitellio nel casin dopo la mort de Nerone proppi chì el gh’ha da el dò de picch al Ottone, el Vitellio el diseva che i Milanes eren el fior d’Italia.
El Plinio el Vecc el diseva che a Milan gh’eren i pussee bravi maester possee che a Com.
Ona leggenda la diss che l’apostolo S. Barnaba l’è vegnuu a Milan a porta la parola del Signor.. l’è minga vera ma per i milanes el fa istes. Per verità ......
El pimm l’è staa Anatolone el greco, poeu Gaio,e via via el Castriziano, Calimero, Mona, Materno, e Mirocle.
Mirocle a l’era el vescuv de Milan al temp de Costantino (313).
Ma prima anca num gh’em avu i noster bej martiri S.Vitale (Milanese che l’è staa cuppa a Ravenna) Valeria la sò donna visin a Milan i sò fioeu el Gervasio, Protasio e la soa sorella Valeria poeu S.Nabore e Felice (a Lodi) S.Sebastiano (a Roma) El vescuv de Milan S.Calimero che l’han tra in del pozz doe adess ghè la soa gesa e tanti alter cristian.
Nel III° secol la potenza militar de Milan L’èra cresuda e L’ imperador Docleziano la fa ona riforma: la dividuu in dò l’impero cont dò imperadur e Milan l’è stada disegnada come residenza de L’imperadur Marco Valerio Massimiano (impero d’occidente), l’èra 286d.C. Massimiano La fortificaa i mur de difesa della città la faa el teater , le terme, i granai, ed alter cent robb a el Palatino el sorgeva press i cinq vii del dì d’incoeu.
Milan cont i slargamen de i mur difensiv l’era diventada la secconda città dell’impero l’era inscì tant bella che el poeta scrittor Ausonio la scrivuu anca on liber su Milan. vers el 313d.C Massimiano e Massenzio d’ona part e Costantino e Lucino da l’altra s’ hin faa la guerra e Costantino la vincu cont l’aiuto de i cristiani.e fa l’editto dettò di Milan (che el Cristianesimo el diventava la religion de statto).

LOTTE RELIGIOS 313-397
E chì el comincia el bell per via d’on Vescuv on certo Ario (ch’el diseva che el Gesù a l’era on omm anca se l’era simil a Dio).Mentre i cattolici (diseven che l’era vero Dio e vero omm) el Costantino la fà el concilio de Nicea 325 el concilii la condana el Ario ma la condana putòst de faa fa la pas la scatena on gibbilè de la madòcina cont bott de orbi,(alter che Milan Inter) e come tucc i robb a l’èra finida in politica che persina el Costantino el pendeva de quella part lì de Ario... Mentre i milanes se i daven de santa resun a Milan el creppa el vescuv.
Nel fra temp a Milan l’è stà numinaa delegato imperial Ambrogio 371 ch’el veniva da Treviri in doe l’era nassuu. Come magistraa el se comportava con giustizia ver i milanes che ghe voeureven on gran ben.
Nel 374 in del Domm, de chi temp laa se baccajava con fervur per numinaa el noeuv vescuv de Milan, a on cert mument hann vist l’ Ambrogio che l’era lì a fa de arbitro han cumincia vosa: Vorumm Ambrogio vescuv. L’Ambrogio che l’era nanca cristian la ciappaa on spaghett de la madòcina e la menaa i tòll, poeu el gh’ha pensaa su e per la pas e la concordia de i milanes el se fa battesaa enscì l’è diventa vescuv.
S’ciao a la pròssima

E                              Storia de Milan                          F