Sit de coltura e attualità in lengua milanesa

Invia i tuoi messaggi a: info@elmilanes.com

Seconda part, de Milan come l’è nassuu? second el nòno Berto Car el mè scior lettor hoo faa marron i celti parlaven nò el latin el nomm giust de Milan l’era MITT-LAND. Poeu i roman l’hann ciamaa Mediolanum scusii de noeuv el Nòno Berto. In del frattemp i Galli Bituringi hann faa foeura subit, Mèlz o Melpom nel 396 a.c. gli Etrusch hann menaa i tòll da la Pianura Padana. Sti primm Milanes chì minga content de avè faa foeura gli Etruschi hinn andaa a romp i ball ai Boi ai Veneti (eren on poo di taccalit). Corr de chì corr de là hinn rivaa fin al mar e visin a Ancona hann fonda Sena Gallica ( Senigallia), e Arimium (Rimini) vers el 280 a.c. Ma prima de fondà stì dò città chi g’hann avuu ona bèlla pensada andemm a Ròma. Hann ciappaa sù tutti sò guerrier a cavall e via, a dà el duu de picch ai Roman. I a comandava on capp, detto Brenno (non de nomm ma de grad come di el general). A pruposit del Camillo Second fondador de Ròma Ve regordi la frase - Minga con l’or ma cont el fèrr se difend la patria - a l’è ona balla faraònica inventada de i Roman ògni quai vòlta che ciappaven el duu de picch.. El Camillo la catturaa duu ò trii gainat che eren restaa indree a fà bisbòccia. Ai Romani sta ròbba chì la gh’era nò andada giò. E nel 225 a.c. i consol Cornelio Scipione e M. Claudio Marcello hinn vegnuu a la concuista de la val padana e nel 222.a.c.ciappen Casteggio (Clastidium), dopo on longh assedi (per famm) anca Milan. Ma pèna i Cartaginesi comandaa dal generale Annibale (Cartagines) hinn vegnuu giò di Alpi con i elefant. i Galli: Insubri e i Boi sobit s’hinn traa insèma a dagh la paga ai Romani. Segond el Tito Livio la batòsta del Trasimeno del 217 a.c. On cert Gallo Ducario (pròppi on milanes) la coppaa el console Flaminio, per vendicà i Milanes coppaa nel’assedi de Milan. Dòpo la sconfitta di Cartagines nel 202.a.c. a Zama da part del console Scipione (detto l’Africano per via che la battaglia de Zama l’è stada fada in Africa, minga perché l’era nassuu de là del Pò). I Romani hinn tornaa a la conquista de la val Padana gh’è vuruu pussee de des ann fra guèrr e guerriglia e alter bòtt de orb. Roman insema a i Boi, e soratutt el tradiment de Cenomani (altra tribù celtica) al Mincio nel 197 a.c.. I milanes hann duvuu alzà bandiera bianca l’era el II° a.c. e a pòcch a pòcch i milanes se adattrann a la disciplina de i roman. In chi temp lì on milanes dotaa d’ona intelligenza granda, e l’era sta portaa a Roma come s’ciav l’è diventaa poeta romano el sò nòmm l’era Cecilio Stazio, scrittor, spiritus, appassionaa e anca on poo amar. Cont i Romani: Milan el se trovava in del mèzz de la pianura e tutt i strad se diramaven a est vers Aquilea a nord vers la Gallia e a owest vers la Spagna e a sud vers Bolagna quindi a Roma. S’ciao a la pròssima