Sit de coltura e attualità
in lengua milanesa		 Invia i tuoi messaggi a:
info@elmilanes.com






I reson de la necessità d’ona svòlta
del Massimo Intropido


In tutta stà stòria vegnen foeura di particolar che spieghen el motiv de l’attual inedeguatèzza di modei de consulenza:

1) El settor bancari e finanziari l’è semper staa e l’è tuttora el men a l’avanguardia in del marketing e in di tecnich de comunicazion e relazion: fin a circa quindes ann fà ghe n’aveven minga de bisògn, perché doveva vèss el client a meritass la fiducia e la stima de la banca e minga a l’incontrari, donca el client l’era nò attrezzaa e l’ha capii on poo in ritard.

2) La stèssa offerta de consulenza de marketing in ambit finanziari l’è risultada de conseguenza, inadeguata ò pòcch adeguada a on settor pòcch studiaa anca da on pont de vista merceològich e relazional.

3) L’andà visin a la Banca Universal, poeu scopert inadeguaa al mercaa, l’ha comportaa ona fòrta despecializzazion del personal bancari e l’ha creaa malcontent e disorientament tra i dipendent.

4) El svilupp de noeuv media come internet e TV. Satellitar e via cav permetten al pubblich de ricev notizzi finanziari in temp tant a svelt de vèss impensabil fin a des ann fà. Stì mezzi hinn minga fornii da i aziend addètt a la consulenza, i quai, se voeuren, deven provved a sò spes e squas semper foeura de l’orari de laorà.
A stà manera semper pussee de spèss el pubblich fà di domand ai quai minga semper hinn bon de rispond.

5) I prodòtt finanziari hinn staa semper pussee standarizzaa, contrariament a la domanda del pubblich che semper de pù el desidera di soluzion personalizzaa.

6) El personal bancari, in del moment in cui la meccanizzazion de la contabilità e di contròll liberava temp da dedicà a la relazion cont el client, l’è staa ridòtt e orientaa esclusivament a la vendita, cont ona fòrta relazion vers la clientela.

7) I ambient bancari avert al pubblich hinn minga staa miglioraa dal pont de vista de la comodità e de la privacy. S’è pontaa a dervì noeuv sportei che a migliorà quei gemò esistent. S’è investii tròpp e mal nel design di open-spaces, òttim in ambient minga vèrt al pubblich per evità l’isolament del personal e per razionalizzà el contròll, ma pessim per ambient in doe el client dev fornì notizzi e dati riservaa. Brutt, poeu, i sistèmi che regolen l’affluss del pubblich al banch ò ai uffizi mediant la distribuzion de ticket e successiva ciamada a tabellon. Sto sistèma l’è ona soluzion che costa pòcch per regolà accèss a loeugh affollaa e minga tròpp bei. El pubblich che l’affida i pròppi danee a ona banca l’è minga tròpp de l’idea de vèss trattaa da tanti impiegaa e nò da ona persòna.

8) L’ambit de la promozion finanziaria s’è faa semper pussee limitativ de la libera iniziativa del singol professionista. Se on temp el ris’c imprenditorial del promotor vegniva compensaa cont ona maggior libertà d’azion rispètt a l’impiegaa, incoeu tròpp professionisti subissen eccessiv pression per raggiung i risultaa.

9) La Banca Universal l’ha squas del tutt mazzaa el cosidètt Local Banking, ossia tutta quèlla serie de competenz e de servizzi specifich per l’industria local che hann costituii on fòrt fenòmen de fedeltà de la clientela. Operazion quali el fido a la pesca, el fido al turismo ecc...hinn staa compres in formi generalizzaa de operazion, pussee facil da gestì per personal che dev vèss intercambiabil.

10) Tròpp personal dirigent de alt e medi profil gh’ha minga esperienz de banca ò gh’è n’ha in manera insufficienta. I primm tenden a volè mètt in òpera applicazion organizzativ sperimentaa da l’industria, doe l’è vincent l’integrazion, la meccanizzazion e la standarizzazion, al settor pussee sofisticaa di servizi, doe vincent hinn flessibilità, creatività e personalizzazion. I second tenden a concentrass sora i risultaa e lassà perd i vera esigent de la clientela.

E