Sit de coltura e attualità in lengua milanesa

Invia i tuoi messaggi a: info@elmilanes.com

---

PizzAut (nutriamo l’inclusione) Ier sera hoo proaa ‘n quaicòss de noeuv l’era temp che ghe vorevi andà tant che hoo faa innumereol proeuv, ma me diseven semper “occupaa me spias, ma semm pròppi al complett per troà pòst ghe vorarà on mesett”. Sont andaa prest senza prenotazion quand hann dervii, mì seri subit lì seri il primm gh’era nanmò nissun m’hann guardaa poeu m’hann dii “settes giò lì” poeu gh’è rivaa l’Andrea per el menù vun di noeuv bagai, beata giuventù. Mì l’hoo vorsuda con la mortadella menter la miee classica margherita mì me sbizzarrissi lee semper quella tanta che la mangia da ona vita mì cerchi semper gust particolar lee nò quei tradizional popolar. Ma gh’hoo de dì anca la soa, special sì perchè naturalment l’hoo saggiada dess fasemela curta, la moral? Ch’el Nico gh’ha avuu ‘na bella pensada con la soa brigada che ghe va adree l’ha traa in pee on bellissim mestee. Ona pizzeria con fioeu tutti autistich che poeu doe la sta ‘sta diversità? anzi gh’hann tanti bei caratteristich poeu la pizza l’è ‘na vera bontà e quand son vegnuu via seri ben divers hoo vist on mond noeuv, on noeuv univers. Grazie Nico per tutt quell che t’hee faa te disi che mì, me sont emozionaa. Dedicada a Nico e a la soa meravigliosa brigada