PER ON AMIS
Car el mè paisan
mi son vun de cittàa
che quand fà cald
el ciappa sù 'el và.
Mi son vun de quej che rideva
quand vedevi vun 'me ti
che con stile ed eleganza
el cercava de comportass
come me compòrti mi.
Mi son vun de quej che rideva
per i tò calzon senza forma nè color
per i tò scarp e la toa maja
per el tò cappell faa de grass
de sudur e paja
e, ridevi specialment
quand a la festa te se vestivet ben
per sembrà pussèe decent.
Adess, te cerchi scusa,mè car paisan
vun de cittàa el te dis, scond no i tò man
anzi, metti in cornis
fai vedè senza vergògna
perchè l'è proppi con chi lì
che te ghe dee de mangià
a la gent stess de mi.