 |
Aurelio
Barzaghi
Le mie poesie in milanese
A TI
Me svegli de mattina
cont'el penser fiss
chissà se el mè fioeu el vegnerà sù drizz?
mi me interezza no s'el farà el Ragionatt
oppur el trombèe o quell che vòlta el fen.
Ogni mestèe el và ben
l'è assèe ch'el sia content
l'è assèe ch'el vaga a dormì
cont'el coeur in pas
l'è assèe ch'el se ricòrda
perchè ghe disevi impara e tas.
L'è assèe ch'el se ricòrda
che ogni s'giaffa che ghe davi
l'era on colp al coeur per mi
per el ben che ghe vorevi.
Fra on dì de temporal
e on dì de aria finna
mi son rivaa fin chì
e adess mia cara Madonnina
t'el accomandi a ti.
|
 |
