Sit de coltura e attualità in lengua milanesa

Invia i tuoi messaggi a: info@elmilanes.com

I mestee di temp indree del Celeste Fontana
El S'ceppin	el S’ceppin Sora sto mestee gh’hinn duu corrent de penser, voeuna che l’intend come quèll ch’el ridusseva i prèi da gròss a piscinin per fà i famos cubètt de pòrfid che serviven poeu per lastricà i strad. Alter l’intenden come quèll che dòpo avè tajaa i piant l’andava a recuperà i part rimanent del fust e di radis i a spaccava cont on chignoeu per ricavà lègna de brusà.
L'Ancioatt	l’Ancioatt Vendidor ambulant d’ancioi (ancioia-acciuga) pussee in general el vendidor d’aliment in scatola sòtta saa (oliv, ton, saracch e simil). L’ancioatt el girava per i strad e cortil cont el so carrètt con de sora i baril pien zèpp de mercanzia.