Sit de coltura e attualità in lengua milanesa

Invia i tuoi messaggi a: info@elmilanes.com

I mestee di temp indree del Celeste Fontana
el Ruee	el Ruee La maggior part di ruee vegniven da la Brianza, formaven on’organizzazion commercial efficientissima, e podeva minga vèss divers se eren brianzoeu, staven de cà quasi tucc in zòna de pòrta Venezia, giraven per la città e andaven denter in di cà per portà via l’immondizia, che poeu montonaven per fala scernì dai dònn per vedè se gh’era ancamò on quaicòss de bon de podè vend. Ona vòlta finida la scernita da part di dònn, la rimanenta immondizia la vegniva inviada a di stabiliment chimich per fà di concimm. A partì dal 1893 i ruee hinn restaa senza laorà in quant l’è staa abbandonaa quèll sistema de raccòlta per lassà el pòst a di moderni attrezzadur. Fin a pòcch temp adree se usava dì “el navascion de la pòrta” per apostrofà on òmen tutt curv e sbilench in quant i navascee quand svoiaven i fògn camminaven curv per el gran pes de la navascia.
el Lattee	el Lattee El lattee rivava tutt i mattin de bon ora, el girava cont on carr pien de bidon de latt pena mongiuu, latt ch’el vegniva di cassin intorna a Milan. El latt (ona vòlta se diseva lacc, ma poeu el milanes s’è modernizzaa anca lù) vegniva venduu al minutt e consumaa in giornada, a gh’era minga né frigorifer né latt a longa conservazion, i persònn se vicinaven con pignatt e pignatitt per poeu portal a cà. El lattee se fermava semper al sòlit pòst e l’era on pont de riferiment per tutt i dònn, se faseva sentì cont el caratteristich “lattee, lattee lattaio” el sò patron l’è San Giorg che se festeggia el 24 april. “Vèss dal lattee” nel gèrgh de la ligera voeur dì vèss usèll de bosch, latitant, forse per l’assonanza de quèsta paròla con lattee. Tanti ancamò ricòrden quand, pèna finida la guèrra, di bergamin giraven con di cavrètt che mungeven direttament in strada. Incoeu se poeu pù fà ona ròba del gener con tutt i normativ igienich-sanitari, ma poeu i nas vann in di certi ristorant e negòzzi e leggiom quèll che troeuven.