Sit de coltura e attualità in lengua milanesa

Invia i tuoi messaggi a: info@elmilanes.com

I mestee di temp indree del Celeste Fontana
El Gigi de la Gnaccia	El Gigi de la gnaccia L’è el vendidor de castagnaccio “Gigi diminutiv de Luis gnaccia aferesi de castagnaccia dal latin castanea e dal grècch kastanon =castègna”vendidor ambulant de castagnaccio schisciada de farina de castègn còtta al forno con semi de fenòcc, pinòli, mandòrl, spèss aromatizada con del zibibbo. Quèll de la gnaccia, eren ciamaa Gigi tucc i vendidor generalment d’origin toscana dal nòmm del primm che gh’ha cominciaa sto tipo de mestee. Poeu tucc i alter che hinn vegnuu adree veniven ciamaa anca lor Gigi, se metteven con la bancarèlla davanti ai scòll e vendeven a bon prezzi la gnaccia e per quei che gh’aveven minga de franch ghe ne daven on tocchetitt pur de tirassei via da i pee.
El Peratt	El peratt -quèll di per còtt- Figura de ambulant che gh’èmm vist in di strad de Milan fina a circa quaranta cinquant’ann fa. El girava cont ona caldera de ramm per i strad da l’ autunn a la primavera, el vosava per fass notà “peri còtt, peri còtt bei cald i peri còtt...”Quasi tucc vegniven da Forno di Zoldo, provincia de Bellun e in gir per Milan ghe n’eren tanti, finn a quand i noeuv generazion hann trovà alter tipi de attività pian pian hinn sparii del tutt, al pòst di peratt hann dervii di grand pizzerii, on alter mestee di vègg temp che troeuvom domà in di cartolin.