al cent per cent in lengua milanesa
info@elmilanes.com
|
|
|
Sit de coltura e attualità al cent per cent in lengua milanesa |
Invia i tuoi messaggi a: info@elmilanes.com |
      |
SÈST SAN GIOANN e la soa stòria seconda e ultima part del Giovanni Costanzo Per capì el ligamm important con la stòria de l’industria italiana l’è necessari rifass ai vicend di aziend de Sest. 1886, Accomandita ing. Breda e C., fondada a Milan da Ernesto Breda, la fabbrica material ferroviari e armi. L’impiant de Sest l’è del 1903. Oltra ai locomotiv, la produss calder, proiettil, vettur ferroviari, macchin agricol e, dal ’17, reoplan. Dai 32.000 lavorador de la guerra, se passa ai 8.500 del ’51, quand comincia la ripresa con la costruzion de elettrotreni e carròzz per la Metropolitana. La crisi di Ann ’80 pòrta, in del ’94, a l’amministrazion controllada. 1891, Ercole Marelli & C., el comincia con apparecc elettromeccanich, dal 1896 el fabbrica ventilador. A Sest da1 ’05; l’è poeu passaa a costruì motor elettrich, elettropomp e trasformador; con la Prima Guerra Mondial l’ha taccà a prodù anca magneti per i aerei. In del ’21 on second stabiliment el se occupava de la produzion de strument e macchinari per centrai idroelettrich e termoelettrich. In di ann ’70 el settor elettromeccanich l’è andaa in crisi. In del 1981 el fa falliment. 1919, Fabbrica Italiana Magneti Marelli, azienda sestesa, la nass da on accòrd tra Marelli e Fiat. La fabbrica magneti per aviazion e mezzi militar, candel, spinterògen, dinamo e accumulador. Dal ’30 la Radiomarelli la òpera in del settor di radiocomunicazion. In del ’67 la Fiat la acquisiss el pacchett de maggioranza e la tacca a smantellà el settor radiotelevisiv. In del 1984 i stabilimenti de Sesto saren sù bottega. 1906, Società anonima acciaierie e ferriere lombarde; 1930 Acciaierie e ferrerie lombarde Falck. In del 1906 i Falck realizzen a Sest l’Union, stabiliment cont el primm forno e trii laminatòi. Poeu derven el Concòrdia (laminazion a cald e a fregg), el Vittòria (laminazion), e el Vulcano (legh de ferr e ghisa). I crisi de la siderurgia e del petròli di Anni ’70 costringen la Falck a sarà el Vulcano, in del 1995 vegnen smorzaa i forni. 1891, Officine di Sesto San Giovanni Valsecchi Abramo (Osva), fonderia de ghisa e otton e smalteria, la faseva cusin, scaldabagni, rubinetteria e frigorifer. Mezzi e process de produzion de andeghee hann faa sarra sù l’azienda a la fin di ann ’60. Tanti alter aziend hann faa la stòria de Sest. Voraria ricordà la Campari, a Sest dal 1903, azienda a l’avanguardia in del settor di bibit; i Trafilerie e corderie Luigi Spadaccini & C., a Sest dal 1905, poeu Trafilerie e corderie italiane, che hann prodòtt còrd e red metallich, impiant e cav per funivii e teleferich; i Pompe Gabbioneta, che s’hinn trasferii a Sest in del 1905, hann prodòtt pomp per tira sù i liquid, per uso civil e industrial. E poeu la stòrica Moto Garelli, fondada a Sest in del 1919, che l’ha saraa sù l’impiant in del 1987. Aziend e lavorador La stòria de Sest l’è ligada ai sò aziend anca perchè i impres, per andà incontra ai esigenz di dipendent, hann faa costruì cà e alter realtà, contribuendo a la “costruzion” de Sest. La Breda l’ha faa sù on Quartier popolar, l’Albergo di operari, el Dòpolaô, scòl professionai, spacc alimentar, colòni per l’estaa, el stadi Breda. La Marelli l’ha faa sù cà, on dormitòri e, per prima in Italia, el spacc aziendal. L’ha attivaa el Dòpolaô, la motoa, ambulatòri, scòl professionai. La Falck l’ha creaa on “paes”, con scòl matern, elementar e medi, l’ha istituii colòni, motoa interna, on camp sportiv. L’Osva l’ha realizzaa cà, el spacc viver, el Dòpolaô e el cinema Impero, la mensa interna, on dòposcòla de meccanica e disegn. Ai iniziativ di impres gh’è de giontà quei di centri socialista e cattòlich. Dal fascismo al dì d’incoeu I fascista hann occupaaa el Comun el 31 ottober 1922 e i sestes hann manifestaa la soa avversion. Comincen lòtta clandestina e repression del regim. In di Anni ’30 cellul antifascista hann operaa in di fabbrich. Al princippi de la guerra el governo l’ha militarizzaa i lavorador e quest l’ha provocaa alter agitazion. Al princippi del ’44 nass el Comitaa de liberazion nazional de Sest. La Resistenza la riguarda ormai tutta la popolazion. Tanti aderissen ai formazion partigian. El 25 april on sciòpero general l’è el segnal: i operari piantònen i fabbrich, el 28 i Alleaa riven a Sest. L’è nominaa sindich Rodolfo Camagni. El 18 giugn 1971 Sest ottén la Medaja d’òr al valor militar per el avè contribuii a la Liberazion. Tra el ’49 e el ’51 hinn staa mandaa a spass miara de persònn e lòtt dur hinn staa faa in difesa de l’occupazion. La situazion l’è migliorada cont el Piano Marshall, ma da la metà di Ann ’60 i numeros crisi de settor hann portaa a la fin di industri grand. Miara perden el lavorà, ma Sest, grazie al tessuu social e ai amministrador l’è riussida a trovà ‘na soluzion. Nass l’Agenzia svilupp Nòrd Milan, che, con l’Amministrazion la sfrutta on’altra vòlta, ma in manera differenta, i arei bandonaa, la forma personal per i tecnologii noeuv. I impres noeuv òperen in la meccanica de precision, in l’informatica, in la produzion de apparecc elettromedicai. Inoltre, il terziario, ingrosso e trasporto di merci. La coltura del laô e de la socialità la caratterizza i sestes e la permett a la città de trass foeura sistematicament dòpo i difficoltà.
|
