Sit de coltura e attualità al cent per cent in lengua milanesa

Invia i tuoi messaggi a: info@elmilanes.com

---

Stèma

CARPIAN e la soa stòria Articol del 2005 del Giovanni Costanzo El territòri. El se troeuva a 19 km. a sud de Milan, a 91 m. s.l.m. Carpian el gh’ha ona estension de 17,21 kmq. El stèmma de Carpian. Nel cattà foeura el stèmma del Comun, abitaa tra i alter di Certosin, nel XIV; davanti a l’edifizzi la campagna effettivament rigogliosa in la zòna, la rappresenta i attività agricol. I origin e el nòmm. Per quant el Comun sia citaa in document del 836, la soa origin l’è romana. El nòmm l’è probabilment dovuu al fatt che in la zòna l’era anticament diffus el “carpin” ona pianta. Da l’epoca romana e longobarda, però, gh’èmm minga notizzi important, se minga per el fatt che Carpian l’è staa senz’alter coinvòlt in di vicend stòrich e politich di paes visin soratutt Melegnan. La stòria. Insèma a Bascapè, Gugnan, Mandrian, Pairana e Torrevegia l’era inserida in on territòri ciamaa “Terrarum Communium Inter Mediolanum, Papiam et Laude” ossia i terren tra Milan, Pavia e Lod”. El document che prima fasevom riferiment el ricòrda che nel fevrar del 836, el cavalier Hungeer, milanes, l’ha dispòst che a la pròpria mòrt i territòri che ghe appartegneven visin a Meloniano “Melegnan” venissen assegnaa a l’xenodochio “ospizzi gratuii per forestee dedicaa a Maria mader del Signor” i possediment comprendeven terreni a Carpian, Ghignan e Zeloforamagn, l’esecutor testamentari l’era on cert Guazone on diacon. Squas quarant’ann pussee tardi ona cronaca ghe dis che la zòna l’ha subii ona invasion devastant de cavallètt. El nòmm de Carpian se troeuva de rar in di vicend e in di crònich stòrich, ma sèmm de cert che la soa stòria l’è strettament collegada cont el territòri de la bassa milanesa, da i lòtt contra el Barbarossa ai guèrr tra i Viscònt e i Torrian. Quand i Torrian hinn staa battuu da i Brivio “Sforza” e da i Viscont, i primm hann ciappaa i territòri de Melegnan, menter i second s’hinn impossessaa de Carpian, Colturan, Calvensan e Dresan. In del XIV secol i Signori de Carpian eren i Pusterla; Franceschino Pusterla e i sò fioeu gh’aveven tramaa per coppà Luchino Visconti, ma faa maron hinn staa decapitaa in del 1341. Carpian con tutti i cassin visin l’è staa assegnaa a la Certosa de Pavia. I certosin. In del 1396 Galeazz Visconti l’ha regalaa el feod ai fraa certosin che tiraren su la gesa de Torr del Mangano (che poeu la saria diventada la famosa Certosa de Pavia). I Certosin, come èmm gemò dii, staven de cà al Castèll de Carpian e, doperand i acqui del canal Lison hann renduu pussee fertil e produttiv i terren intorna. In del 1544 i Certosin hann miss in pee ona vera e pròppia azienda agricola, che l’era conossuda come el Castèll de Carpian, poeu successivament i provenient da Bascapè hinn diventaa proprietari del Castèll, par che on tal De Castellatis l’è staa coppaa a tradiment nel castèll medesim. Dato che Carpian l’è appartenent a la Piev de San Giulian, Carpian el pò festeggià la prima nomina d’on prevòst pròppi, domà in del 1591, el fraa Lupo da Carpiano, in realtà se tratta de la prima elezion dirètta, senza l’approvazion successiva, ma necessaria pel prevòst de San Giulian. L’era moderna. El 10 settember 1515 el rè de Francia, Francèsch I ch’el predendeva de riottegnì Milan per legittima eredità, l’era a Landrian, dòpo che l’aveva traversaa Carpian e Melegnan, s’era attestaa a Casal maiocco, e l’era dree a preparà la “Battalia di Gigant”. Gemò a la fin del cinchcent l’epidemia de la Peste l’era dree a diffondes da l’Ungheria al Trentin, al Veneto, finn a rivà a Milan, par che anca a Carpian el commissari straordinari per l’emergenza peste l’ha faa costruì on lazzarètt, ma come sèmm dal Manzon, l’ondada successiva, quèlla del 1630, la gh’ha avuu conseguenz anmò pussee disastros per tutt el territòri del milanes. In del 1608, l’è stada indètta la fèsta de Santa Maria Maddalena, che la se tegn el 22 de luj, per obbedì a ona disposizion papal che altriment la garantiva minga l’assoluzion de tucc i peccaa. A la fin del 1755 i Austriach hann costituii el Compartiment del Stato Territorial de Milan, per podè creà on ver e pròppi catast del territòri e de tucc i ben del Milanes, in base a sto catast Carpian con la Cascina Muralia hinn staa miss sòtta a la Pien de San Giulian. In del 1784, Giusèpp II l’ha sopprèss tutti i ordin religios e i terren di convent hinn staa infeudaa o venduu a di privaa. In del 1836, Carpian l’ha dovuu sopportà ona gravissima epidemia de colera che l’ha provocaa pussee de 30.000 mòrt in tutta la Lombardia, ona tristissima occasion per istituì de noeuv el lazzarètt carpianes. La stòria recent de Carpian l’è ligada ai avveniment che, a partì da la I guèrra mondial caratterizzaren la stòria italiana in general, de notà el fatt d’on personagg stòrich de la vita politica de Carpian l’ingegner Carlo Stabilini che, sindich gemò nel 1874 l’è restaa in carica anca come Podestà e come Commissari Prefettizzi addirittura fin al 1933. In del 1925 l’è stada inaugurada la scòla, nel 1938 el dòpo scòla. Dòpo la guèrra el Podestà el ven sostituii dal Sindich. Primm Sindich del dòpo guèrra (1945) L’è staa Gioann Curti in carega fin al 1951.