Sit de coltura e attualità
 in lengua milanesa		 Invia i tuoi messaggi a:
info@elmilanes.com








La Fattoria di Animai
 Voltada in milanes dal Circol Filològich Milanes

Dòpo squas vint ann da la prima stesura, ven foeura el volumm La fattoria di animai, traduzion milanesa del capp d’òpera de Orwell La fattoria degli animali.
El volumm, sbilzaa foeura da on’idea de Pierluigi Crola e cont el coordinament de Cesare Comoletti e Pierluigi Crola, el vegn foeura in occasion di 150 ann de la fondazion del Circol Filològich Milanes (1872 – 2022), on’istituzion colturala che l’ha ottegnuu in di ann tanti riconosciment: Ente Morale per Regio Decreto del 1905, premiato nel 1962 con la Medaglia d'Oro di Benemerenza del Comune di Milano, Ente Culturale di interesse regionale con Decreto del 1995.
L’è del genar 2008 l’important riconosciment del Comun de Milan Assessoraa ai Politich del Laorà e de l'Occupazion che l’ha assegnaa al Circol Filològich, insèma a alter cinqu Istituzion milanes, la fonzion stòrica de baluard de la formazion linguistica a Milan.
El liber l’è vegnuu foeura grazie a l’impegn de numeros collaborador: Alma Brioschi, Renato Colombo, Enrica Cortellezzi, Pierluigi Crola, Angelo Magni, Bianca Mancuso, Mariella Pellizzeris, Enrica Pollastri, Mario Scurati e Armando Semplice.
La revision l’è stada fada da Cesare Comoletti e la revision per la stampa da Marina Scovenna.On lavorà de grupp che l’ha poduu fà gustà vun di capp d’òpera de Orwell, scrivuu in del 1943 – 1944, ona storiella per grand indove pòdom distingu duu livei: on livell superficial ch’el voeur fa vedè la lòtta di animali contra el padron e on livell pussee profond, indove la stòria l’è ona metafora de la lòtta contra i dittadur, in particolar quella sovietica.La trama l’è minga complicada: on ròsc de animai, cont a capp el nimal Napoleon, el se revòlta contra el padron e el conquista la libertà.
Ona libertà che la dura pòcch, però, perchè, al moment giust el Napoleon el cambia la costituzion scrivuda pròppi da lù a sò vantagg e el se muda in del padron che l’aveva combattuu.
Cambien i padroni, ma la libertà la resta on’illusion.
On liber attual debon anca incoeu: de spess chi ne parla de autonomia e libertà el dopera sti paròll come fiomba per i sò gioeugh de comand.

Pierluigi Crola