in lengua milanesa
info@elmilanes.com
|
|
Sit de coltura e attualità in lengua milanesa |
Invia i tuoi messaggi a: info@elmilanes.com |
 Delia Scala e Totò in Signori si nasce di Mario Mattioli, 1960. Foto tratta dal Dizionario cinematografico di Milano, a cura di Paolo Zenoni, Milano, 1994. |
L’è mòrta a 74 ann la pussee complètta
protagonista del varietà italian L’addio a Delia Scala Cappscòla insuperada di subrètt moderni, bravissima ballerina, spopolò al cinema, a teater e in television Delia Scala, nassuda a Braccian nel 1929, l’è mòrta in la soa villa de Livorno, in doe la viveva cont el terz marii. Da tosètta la s’era trasferida a Milan con la familia per el laô del pader, sottufficial de l’aeronautica e, Milan l’ha segnaa la soa formazion e l’esòrdi artistich. El pseudonimo de Odètt Bedògn, Scala appont, el deriva pròppi dal nòmm del teater milanes doe la mader l’aveva accompagnada per on provin in on’opera de Leoncavall cont el mitich Beniamin Gili e doe poeu l’ha frequentaa la rinomada scòla de danza. El cinema El sò esòrdi l’è staa nel cinema, cont ona particina in Principessina nel 1942, el debutt vera l’è nel 1947 in Anni difficili de Luis Zampa al fianch de moster sacri come el Massim Giròtt e l’Ave Ninchi, l’ann dòpo la cambia in Delia el nòmm Lia precedentement usaa. Pròppi tra el 1950 e el 1960 l’è concentrada la soa attività cinematografica el sò nòmm l’è ligaa a film famosissim come Bellèzze in bicicletta con la Pampanini, Napoli milionaria con Eduard de Filipp e Totò finn all’ultimm film giraa nel 1960 Signori si nasce, semper cont el Totò, in la soa brev carriera l’ha partecipaa a ben 46 pellicol. El teater Spigliada e brillantissima ballerina e cantant olter che attris, ovviament la ven notada da i leggendari Garinei e Giovannini, menter la se scatèna in on charleston in Gran Varietà film de Donenich Paolèlla del 54. El 25 settember 1954 al teater Lirich de Milan gh’è l’esplosion de la 24enne Delia in còppia cont el Carlo Dappòrt in Giove in doppiopetto de la premiada ditta Garinei Giovannini, la Scala l’entusiasma el pubblich cont i sò qualità acrobatich la verve e ona semplicità sbarazzina. L’è stada protagonista del teater e de la rivista cont attor e protagonist come lee de la stòria del teater del dòpo guèrra come Walter Chiari, Manfredi, Rascel, Macario e Panelli. Commovent on’episòdi del 57 quand, vegnuda a conoscenza de la mòrt del sò compagn pilòta de formula vun l’è rientrada in scèna e la proseguii el spettacol cont i lacrimm ai oeugg. Nel 66 dòpo che l’aveva rifiudaa addirittura Broadway, l’addio per semper al teater, ona brutta appendicite la gh’aveva procuraa on sveniment in scèna e, dòpo l’operazion la se sentiva minga in grado fisicament de sostegnì i pesant impègn. Nel 68 l’è riussida a vinc ona battalia contra el cancro, prima tra i dònn de spettacol a rivelà la malattia, ai temp quasi semper mòrtal, grazie a l’aiutt del prof.Bucalòss e d’on giovin Umbèrt Verones da allora sò grandissim amis cont el quale l’ha condividuu tanti iniziativ e campagn de prevenzion per la lòtta ai tumor. La television L’esòrdi de Delia Scala in còppia cont el grand Nino Taranto el ven nel 56 con Lù e Lee, varietà de Marchesi e Metz, la consacrazion la riva nel 59-60 con Canzonissima dirètta da Antonello Falqui, edizion che, pròppi grazzie a la superba e travolgent conduzion de la Scala cont el Nino Manfredi l’è considerada la miglior mai realizzada. La straordinaria professionalità, la briosa conduzion, el fascin e la granda freschèzza che la saveva esprimm in la danza e in la gestualità hann conquistaa l’incondizionaa favor de pubblich e critica, consacrandola a mader insuperada de tutt i showgirl. Dòpo l’operazion per el cancher l’è rientrada su la scèna televisiva dòpo des ann dove la presentava Che combinazione 78 , poeu el spettacol per beneficienza Bussola domani 82, l’è stada anca protagonista di trè fortunaa edizion de la serie Casa Cecilia. A l’è staa on piasè rivedela nel sò ultimm laô nel 98 in la sitcom Io e la mamma, divertentissima e anmò magistral mama de Gerry Scotti.
|
