Sit de coltura e attualità
in lengua milanesa		 Invia i tuoi messaggi a:
info@elmilanes.com

Carlo Porta
vietato ai minori
del Pierluigi Crola

Sto curt manual ch’el spiega cosa el pensava el Pòrta de l’amor e del sesso el voeur mett in evidenza in di sò different nuanz on concett ben precis: se parla semper de sesso, ma con divers sfumadur, e mai per el gust d’on sfògo purament sessual.
Se vun el se ferma al titol, el pensa a on quaicòss de purisnent, de leg de nascondon del papà e de la mama, inveci l’è tutt el contrari; se comincia, defatt, dai descrizion de quella realtà (sessual), minga per soddisfà certi petitt, ma per indagà su on fenòmen compless, che anca al dì d’incoeu, come al temp del nòst Carlin, l’è semper pussee present in la società, ona società indove se vend on detersiv ò ona lampadina, fasendo vedè l’immagin de ona dòna biòtta, che la gh’entra pròppi nagòtta cont el prodòtt de vend, ona società che in qualsesia ora e in qualsesia sit la ne inziga con semper i stess immagin.
On manual de paolòtt donca? Nò, domà on’analisi completta fada con riflession che pòden varè anca al dì d’incoeu, a pussee de dusent ann dal mond del nòst Carlin.