Sit de coltura e attualità
in lengua milanesa		 Invia i tuoi messaggi a:
info@elmilanes.com


L’Osteria di mè amis de mì
 Testo di Luigi Carcano Musica di Vittorio Pinotti
Canta Chiara (L’Edith Piaff di Navili)

Tra tanti cà là giò in periferia,
doe Milan se slonga de lontan,
gh’è on giardinett bell verd con l’osteria,
che l’è on canton nostalgich foeura man,
con scritt in grand sul mur, tal qual inscì:
- L’Osteria di mè amis de mì -

Gh’è là in periferia
de l’Enzo e de la Chiara
on fior d’on osteria.
E lee con la ghitara,
cont i amis de sera
la canta i sò canzon
e beven giò barbera
ma propi de quell bon.

E dent de l’osteria
l’Adele de la nev
la fà de la legria
la bala e poeu la bev.
E i mè amis de mì,
de tì, de lù, lee,
se troeuven tutti lì
insemma ai forestee.

A gh’è l’ostessa bionda e prosperosa,
cont on soris sui laver delizios,
che porta de mangià roba gustosa
cont on vinell superb e generos,
che l’ost el mett al fresch giò in di cantinn
ma l'è minga mesciaa coi fontaninn.

e s’ciavo!