Sit de coltura e attualità
in lengua milanesa		 Invia i tuoi messaggi a:
info@elmilanes.com

Cha cha cha di taccapagn
 Testo di Claudio Merli, Musica di Ugo Marino

coro Cha cha cha andemm a la ribalta
Cha cha cha andemm a comincià
Cha cha cha che ‘ndemm a la malora
Cha cha cha che ‘ndemm a quell paes.

Gh’è che’l bombas a l’è l’”ovatta”
Che per pizzà se dis “accend”
E se me par a l’è “me sembra”
L’è tutt on rebelott coro Fa nagott!
El ball de l’ongia incarnada
mi l’hoo imparaa al “FAI DA TE”
a me l’ha faa vedè el Don Lurio
ma mi l’hoo pròpi nò capii

coro Pegg per ti!

El soggett el ghè però l’è minga ciar
e la va a finì come me par,
certo me rincress vedè che’l mè bell dialett
el spariss a poch, a poch, a poch.

coro Cha cha cha ma cerca de andà avanti
Cha cha cha ma gh’è de tribulà
Cha cha cha ti troeuva la manera
Cha cha cha te see domà a metà

E se serèna l’è “serena”
Se ‘l lorentègg l’è ‘l “lorenteg”
On giargianes, on camamella
el fà domà casott coro Sifolott!
Fòrza bagai adess se balla
el cha cha cha di taccapagn
l’è nò el “concerto” de la scala,
si ma l’è semper mèj che nient

coro Semm content!

Orchestra

coro Cha cha cha per falla minga longa
Cha cha cha ve cantom la canzon
Cha cha cha che ormai a l’è finida
Cha cha cha l’è ora de ‘ndà a cà.
Cha cha cha!