Sit de coltura e attualità
in lengua milanesa		 Invia i tuoi messaggi a:
info@elmilanes.com








...el Max Pezzali de la Sonja Annibaldi - intervista del 2004

Max Pezzali ex-leader di 883 el pubblica el sò primm cd come cantant solista e, el vòlta pagina, senza rinnegà el passaa cont el grupp, che nel 1991 la pubblicaa el primm succèss “hann coppaa l’òmm ragn”, ma quèll l’è on capitol sarà sù. Sora la copertina del noeuv cd “el mond insèma a tì” gh’è on disègn ch’el rend mej l’idea de la soa decision: lù l’è insèma a la soa morosa Martina a cavall d’ona HARLEY DAVISON, davanti a on bivi, a sinistra on cartèll stradal l’indica PEZZALI a dèstra el nòmm de la soa ex band, ma gh’hinn minga de ripensament. In del titol de l’album gh’è on omagg per la stòria d’amor che son dree a viv da tanto temp, conta sù l’artista milanes, e i tèst di canzon riviven stà stòria come “el strano percors” la canzon pussee conossuda. Stà relazion sentimental la m’è dà stabilità. Dopo on gran peregrinà a la ricerca del grand amor, finalment l’è rivaa. Te see qual’ è el poblèma? Che incoeu tusscòss se consuma in manera tròpp a svèlt, che tutt el dura tròpp pòcch, cambia la comunicazion a alt livei, ma purtròpp anca trà de numm, quindi te fee fadiga a profondì i conoscenz. Ma on tornà indree al privaa, in sto contèst, gh’ha el sò perché. 

Come se pò ciamà stà toa noeuva stòria musical?
Vedèmm on poo on rock melòdich cont atmosfera americana come te vedet son cressuu musicalment.

El temp che passa te fà paura?
Nò son seren de front a l’inevitabil passà di ann. Magari prèst mettaroo sù famiglia me piasaria diventà pader, ma rinunceroo minga de cert al peter pan che gh’è denter de mì.

In sto cd te laoraa con di noeuv collaborador: gh’è Guidetti chelaora con Eros Ramazzotti e Canova el produttor de Tiziano Ferro come te deciduu sta noeuva squadra?
Me pias el son internazional ch’el rend particolar el sound de Eros, mentre el Canova l’ho conossuu perché sont on amis del Tiziano, conossuu tanti ann fà.
In on programma televisiv, se sèmm trovaa subit in sintonia me incuriosiva el sò appròcc con la musica e quèlla soa manera de cantà.
Inolter tanto temp adree el m’ha invidaa a cà soa, a Latina, per famm vedè ona incredibil collezion de dischi di 883 inscì hoo scopert che l’era on mè fan.

Gh’è anca on dvd in vendita ch’el riproponn i filmaa pussee significativ de la toa carriera...
Sì m’h faa ona certa impression riguardà di immagin de 12 ann fà...
E soratutt m’ha colpii notà come la moda la cambia a svèlt, ma l’è staa indolor, te l’ho dii el temp che passa mè spaventa minga.

In del temp liber te guardet dvd ò tv?
Sont on fan del satellite, mè piasen i seri del tipo i Soprano ò Six Feet Under e, magari me concedi anca i sòtta titol in ingles l’è tròpp divertent.

Adèss sarom sù e parlom di tò concèrt...
El tour quèll vera partirà el pròssim mes de ottober, adèss sèmm adree a utilizzà ona scenografia sempliz, sora el palch gh’hinn oggètt in polisteròl che ricòrden da visin tutt el mè mond, come di dettali che riguarden i mòto, ò la musica, ma in autunn utilizzerèmm anca i multivision.
Daroo el giust risalt ai tòcch che m’hann portaa tanta fortuna, cercaroo de arrangiai senza tiragh via el smalto che i hann faa piasè al pubblich.
Altriment durant i concèrt nissun i a canta pù, forse nanca el cantant.

El strano percors te porterà anca a l’òmm ragn?
Certament la cantaroo perchè ghe sont affezzionaa. Avègh avuu la fortuna de scriv di succèss che hann significaa on quaicòss per quaivun l’è on privilegi che bisogna rispettà.

Sent a propòsit de tournee qual è el sito che gh’èmm de vedè per savènn pussee sul tò album e sù i tò concèrt?
www.maxpezzali.com e l’è semper aggiornaa!